الدشرة 2010 ~ فرحي يا جمعة شميعة شعل شمعة ~

اذهب الى الأسفل

الدشرة 2010 ~ فرحي يا جمعة شميعة شعل شمعة ~

مُساهمة  سعيد في الأحد 27 يونيو - 14:28

سقت لخبار جيت للدار مغيار
دقيت و عودت دقيت الباب مسدود حصار
باش تعرفوني مغيار
دخلت بإسم مستعار واحد من الزوار
بلغت الرسالة و النزالة نزالة
و الله ماهي سوالة
لا زاير لا داير لا غاير و السر في بير السبير
----- ----- ----- --------
نطلبوا الله اللطف راحنا شادين الصف
الله يجيب شي سلف يوقف و يعطف
الواد وادي يا سيادي لا نخلوه ناشف
عطفوا على ولادي و آحفادي و ما أنا غنايا غيواني و عنواني غير نقول كلامي و غادي في حالي
واو واو واو واو وااااااو واونقول كلامي و و غادي غادي
------ ---------- -----------
نقلب على شي قلوب بقلب طيبوب سكر يدوب ينقل كلامي ليوتوب
و يكتبوا قال المجذوب جولوا دروب و بحثوا كتوب
مع عمي جوجل و خالتي يوتوب و بابا ياهو و مدونات مكتوب تقادا لكذوب
----- ------ --------
وقال المجذوب
الدنية بالمقلوب
كذبت إصدقوك
صادقتيهم يقولوا كذوب
----- ------ ----
و الدنية بالمقلوب
تاعت الله فين دوزيم و فين المغربية و فين الجرائد و المراسليين
قرية نمودجية في عصر التنمية البشرية رجعات قرية دوارية تعيش الهمجية
أنا ما لمت حد و الله واحد
حب الوطن من الإيمان يا مسلم
قلوبنا و أقلامنا فيهم روح الغيرة و المواطنة
نفسي ما هناتنيش و الله غالب قتلني الفقر و الجهد لا جهد الله هدا ىجهدي نكتب و نفاجي الكرب
الله يا سيادنا فين هي ديك لالة مولاتي وزارة التربية و تكوين الأطر ما شافت عيني حثى شي إطار قرية بلا دار بلا كار هرب القطار و ما بقى غير المزرار
الله يجيب شي مغيار اللي يحن فديك الدار دار الشباب
الله يا سيادنا وا الواليدين وا جمعية الآباء وا الأمهات فين نرميوا وليداتنا كبادنا فين يمشوا واش نرسلوهم لزبالة حرام علينا كاملين مقلدين بالصبيان من ست -6 - سنين
لا جردة فين يلعبوا لا دار الشباب فين يمشوا لا ساحات لا أنشطة لا مخيمات لا حملات تحسيسية لا مسيرات توعوية واش لالة ميمونة مسكينة ما عندهاش الحق في التنمية الله يجيب شي مومن اللي يوصل الخبار لسيدنا الملك محمد السادس الله ينصروا و يطول عمروا و يصلح ليه وليداتوا و يخليه لشعبوا يجي يدير شي دويرة لهاد القرية الفقيرة الرجال كتألم و النساء لاصنعة لامعرفة لا حرفة لاعلم و وليداتنا الله عالم بيهم نقبلوا رجليك وما تقدنا فرحة بقدومك يا ملك فكر فينا الله يخليك
سامحوني أنا خامجدوب و اللي بلاه الله بي السعاية يقصد الديور الكبار و أنا قصدت باب سيدي
طالب جود سيدي
------------ ------- -------- --------- --------
هادا كل ما في جهدي


avatar
سعيد
Admin

المساهمات : 370
تاريخ التسجيل : 13/11/2008
العمر : 55
الموقع : www.magdoubkom.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى