شي كلمات للتذكير و التفكير لكي لا ننسى التحرير

اذهب الى الأسفل

شي كلمات للتذكير و التفكير لكي لا ننسى التحرير

مُساهمة  سعيد في الخميس 8 يوليو - 23:44

الله يا رجال حتى واحد من الحضار ما دق باب الدار و لا من جاب الخبار عاهدي بيها مقهى الزوار لقيتها و لات غار للطوبة و الفار أجب من دعاك ولو كان كافر و الكفار كثار دعوة و ظيافة من المحبة و...
**********************************************
العارف شوفتوا **** كفاتوا
و العاقل ما يكون طماع
الخاوة و المحبة النية بدايتوا
و اللي ما فيه نية نعطيه بالتساع
ما عرفت ؟ النية واش فيه؟ ولا في ؟و لا فينا بالجملة كاع؟ ؟ ؟ ؟ ...
**********************************************
عايروني بالحلقة
و قالوا ما نرضاها
ما فهموني في نبقى
حلقتي و الله ما ننساها
فن ما شي سرقة
و بيها نتباها
حبق و محبقة
و طيور محلقة في سماها
--------------------------**----***--**--*-*--*-*-*-*-*-*-*
همي من حبة ولا سبولة
واش بلا سبة سببت و السبوب نفولة
على الساروت قلبت صداو لي القفولة
و خير الكلام لا حولة

-*-*-*-**-*-*-*-*-*-*-*-*-*-*-*-*-*-*-*-*-*-*-*-*-*-**
وا ها حنا مالك حاميها للغوات و اللي قالك راني في راس الدرب على شي قصيدة
راه ما كدبش عليك هانتا كاتشوف القصايد غرجو علي خلاوني بلا شغل
المهم الصبر و صافي بيت القصيد هو القصايد و قول...
-*-*-*-*-*-*-*-*-*-*-*-*-*-*-*-*-**-**-*-*-*-*-*-*-*-*-**-*
ماكاين علاش تخمم
كلشي فلوح لقضا مزمم
بهذا الزمان من زمان تكلم
ما كاين علاش تتألم
مع الوضع لابد تتأقلم
مانت وحدك تعاني..
ولا وحدك مجروح
عيشك بالشقا تسمم
ولا وحدك تبكي وتنوح ..
سعدك...
-*-*-*-*-*-*-*-*-*-*-*-*-*-*-*-*-*-*-*-*-*
غيطات الغياطة
بالطبل عزري
عيطات العياطة
بعيوط بكري
نزلات الزرواطة
ها ظهري
تقطعات الصماطة
قالوا سري
بكيت بفراطة لا من ساق خبري
ناضوا البحاطة هزيت الكلاطة
و قلت مشى زمان البصري
--*-*-*-*-*-*-*-*-*-*-*-*-*-*-*--*-
درت دواية و قلم
و سطرت سطري
بايت طول الليل نخمم
و آنفذ صبري
لا حد لقيت ثم
و علاش نبري
عندمن حب الفهم
و شكون يدري
علامن نفاجي الهم
-*-*-*-*-*-*-*-*-*-*-**-*
طامع ف عفوك وسبّقت نيتي
اضمن لي الجنة وطيوب شداها
يارب آنت على نيتوا علمتي
آضمن ليه رحمتك و رضاها
الراقي مرضي مسقي راضي باش حكمتي
و آنت واسع الرحمة راحم الأرض ب آسماها
---*-*-*-*-*-*-*-*-*-*-*-*-*-*-*-*-*-*-*-*--*-*-*
مغرب المجد
براح في السواق الملاح
مختار نعطي الخبار
بخبار ناس الدار
يا أهل الدوار
تاريخ بلادنا مجد و حضارة و علم الأثار
-*-*-*-*-*-*-*-*-*-*-*-*-*-*-*-*-*-*
سيدي عبد الرزاق راك فاهمني الكاو كاو عليه دواو
الفول السوداني و لا عمروا آخطاني
من معزتوا الناس تاكل بالحبة و أنا ناكل بالحفاني
و أما الفلفل السوداني بلا بيه لا شهوة لا بنة كنار ماهو فاني
*-*-*-*-*-*-*-*-*-*-*-*-*-*-*-*
سبورة و طبشور
نشير للمنشور
و العلامة مرور
أولا تحية للحضور و شكرا للجمهور
و يا الطامع في الدنيا لا تكون مغرور
راه السوايع بدالة و الفلك يدور
في سطور لوحة و طبشور مسموح المرور ممنوع...
-*-*-*-*-*-*-*-*-*-*-*-*-*-*-*-*-*-*
فوق الركام بنات بيـــــــــوت
و من التجويع طهات القـوت
صانعة لحياة ف أوج الموت
و ف كل حصاد تعطي محصول
*****🌹 *****🌹 *****
في كل آحصاد تعطي محصول
و كلامك كلوا معقول يا إبن الأصول...
-*-*-*-*-*-*-*-*-*-*-*-*-*-*-*-*-*-*-**-
علمهم السعاية
إسبقوك للديور الكبار
رعاهم و حسن الرعاية
إغذروك دوك الآشرار
بني و علي البناية
لا دير الحوط قصار
الغنى بلا معنى بلا ماية
بحال الطارة حضارة بلا وتار
-*-*-*-*-*-*-*-*--*-*-*-*-*--*-*-*-*-
عدنا بالمحبة نطفيوا العوافي
يا الزين الصافي
ووصافي في أسفي
-*-*-*-*-*-*-*-*-*-*-*-*-*-*-*-*-*-
رجاك أنا إلى بكيت رجاك أنا
رجاك أنا إلى بكيت رجاك أنا
رجاك أنا إلى بكيت مسحوا دموعي بوان نيت
أي أي أاي ضربني السي كووار
أي أي أي دارني أنا شفار
خويا المطري واه يا...
-**-*-*-*-*-*-*-*-*-*-*-*-*-*-*
العنوان = راس العام
الموضوع = ؟ علامة آستفهام
و الخلاصة = كلام في كلام
-*-*-*-*-*-*-*-*-*-*-*-*-*-*-*-*-*-*-*-*-*
تقدات القوافي و مرحبا بالسلام
كلامك كلام و معاني و مغزى الكلام
و سعدات من رام و دار لفمو لجام
يا الداخل للسوق تيه في رحبة المعاني
و عمر العبرة و عبر و لا تقول للعبارة واش داني ... سخون الطعام
-*-*-*-*-*-*-*-*-*-*-*-*-*-*-*-*-*-*-*-*--*-*-
هدا ولد السي فلان
أهلا يتفظل
هدا ماعندوش السنان
إلى وصل معطل
قول عودي حران
و سير غير بالمهل
تعرف على جميع الطرقان
و لا تلفت سول
الكرامة هي الإنسان
لا تحدر راسك للذل
-*-*-*-*-*-*-*-*-*-*-*-*-*-*-*-*-*-*-*-*-
الفاخر زند

الجياف دار دخان

ياك ديك نيران و ديك نيران

و ياك ديك لديك شفاية

النار كدات في جسم الإنسان
ياك ذاك دخان و ذاك دخان
وياك ذاك و ذيك و ذاك من دوك الحجاية
-*-*-*-*-*-*-*-*-*-*-*-*-*-*-*-*
المنازل تتبدل
واش الحق گفا وأعطى ب الأدبار
حْلْفْ حلفا ما ظهر له أثـَرْ
واش الحق گـَفـَّا من زمان
قفلوا عسري سار وته ما ف الحياة
مبدأها الخير والشر . . . لأحرار والسْبَايْا
العيب فينا بالأ... طنان
-*-*-*-*-*-*-*-*-*-*-*-*-*-*-*-*
سعيد هل من جديد
أكيد يد من حديد
و مبروك عليكم العيد
ناقص زائد
العبد عبد و السيد سيد
و إدا مات سعد
فهو شهيد
و الإرث درس مفيد
منه أستفيد لأفيد
و رحم الله من آستفاد و فاد و كان مفيد
-*-*-*-*-*-*-*-*-*-*-*-*-*-*-*-*-*-*-*-*-
مشى كلام المجذوب
و مشاوا شعا روا
مشى غنا القلوب
ما بقى غير مزمارو
طلبنا كانونا
حرقونا بجما روا
سألنا على حوتنا
رمونا في بحاروا
و قالوا الكبير كلا صغاروا
*-*-*-*-*-*-*-*-*-*-*-*-*--*-*-*--*-
الزمان غذار
هو اللي كسرني من ذراعي
شربني المرار
و نبيد القراعي
شحال من بطة و بطة في النهار
و جبت الكلام رباعي
الدنيا وطى
و... فين إحط الساعي
*-*-*-*-*-*-*-*-*-*-*-*-*-*-*-*-*-
سلمت الأقلام
سلمت الأنامل
سلمت الأيادي
و بالمهل نتبع قصدي
هاك سيدي وردة 🌹هدية من عندي
مودتي
-*-*-*-*-*-*-*-*-*-*-*-*-*-*-*--*-*-*
هدا حالنا و حنا ماليه
و ما حاس بالمزود غير المخبوط بيه
السعيد في نور و الشقي في ظلام يشوف بعينيه
و الحكارة صحاب الشكارة تمارة هنا و لهيه
و هدا حالنا و حنا ماليه
... -*-*-*-*-*-*-*-*-**--*-*-*-*-*--*-*-*-*-*-*---*-*-*-
قال المجذوب بحثوا كتوب و جولوا دروب تلقاوا الدنية بالمقلوب
و الراب الراب الهيب هوب
مارلي بوب
و هارلي ثوب
عنترة و شيبوب و كلشي في الإتجاه... المعكس المقلوب

-*-*-*-*-*-*-*-*-*-*-*--*-*-*-*-*-*-**-*-*
غبت و كتبت و هاني رجعت
جيت و جبت و الجمعة رجعات سبت
-*-*-*-*-*-*-*-*-*-*-*-*-*-*-*-*-*
تفسير الأحلام خير و سلام
حلمت خير و سلام
حلم
حلم فلسفي لفلاسفة النغم
حلم أرتكز على الفكر للخلق و الإبداع
حلم
حلم الاستمرارية بشكل لائق و محترم
حلم يناشد الفرد السوي أن يكون ابن عصره
حلم ...
-*-*-*-*-*-*-*-*-*-*-*-*-*-*-*-*-*--*-*-*-*-*-
خير و سلام
كلامك كلام
مفهوم عند الفهام
ناظم من النظام
ليك التحية و السلام
--------- --------
كلامك زين ما أحلاه
مرضي الوالدين آموا و باه
عليه راضين كلاموا ذقناه
*-*-*-*-*-*-*-*-*-*--*-*-*-*-*-*-*-*-*-*-*-
Basketball Basketball Basketball
avatar
سعيد
Admin

المساهمات : 370
تاريخ التسجيل : 13/11/2008
العمر : 55
الموقع : www.magdoubkom.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى