شكرا لك سيدي قائد قيادة لالة ميمونة المركز و شكرا لكل من رافقك

السلام عليكم رمضان مبارك سعيد و كل عام و أنتم بألف خير
بادرة طيبة خلفت صدا طيبا في نفوس طيبة
النزالة اليوم فرحانة و ناشطة و ماشطة ( بيان أبيي ) نقية خبر سار
ما قام به السيد القائد اليوم هو و مرافقيه يستحق التشجيع الحمد لله الطريق مفتوحة و نقية تحيي القلب
الله يا ودي علاه هدي هي النزالة ديال هدي عاميين. لا. شعل الضو. الشارع و اللي هو المدخل ديال القرية حسن من مكان و زاد زينوا الرصيف النزالة زينها الترصيص و الله يجزيكم سيروا في أعمالكم راه من سار على الدرب وصل و اللي بدا يواصل راه لابد يوصل
بقات المسؤولية على الباعة و السكان الله يهديهم راه مصلحتنا جميع واش أعباد الله القائد و لا الرئيس كيبيعوا الكوار في الطريق و مني يسليوا يلوحوه في الشانطي و لاموا السكان ألا السكان و الباعة هم اللي مستافدين من السوق النمودجية و هم اللي مسؤولين على النظافة واش أعبياد الله واحد جاب 207 ديال الكوار وقفها في الطريق لا جبايات لا والوا حانوت وسط الشانطي فابور و مني باع و شرا و سالا كركر عرام ديال الزبل حشاكم و مشى و قول ليك هاد الناس ماداروا والوا شوف و شوف و شوف و هو كاع ماشاف زبلوا حشاكم . راه خص التجار يديروا شي براكة على قد الحال و يتعاونوا و يخلوا بلاصتهم زوينة و العيب و العار لا حفاهم شي حد علاش هديك السوق النمودجية و اللي تقامت الله أعلم بشحال علاش اللي ما تنظموهاش و هي أحسن من الشارع العام و متوفرين فيها جميع المرافق الماء و الكهرباء و الصور ما خصها والوا غير الله يهديهم راه الأرزاق بيد الله واش لا تخلت للسوق غادي يتحبس عليك الرزق الكلام كثير أنا بديت و أنتم كملوا من عندكم و السلام عليكم
تحية وطنية للسيد قائد المقاطعة و أعوانه و شكرا على العمل للصالح العام كل عمل للصالح العام عبادة خالصة . مجذوب القرية قرميم سعيد