منتديات الدشرة صوت الجمعة

اذهب الى الأسفل

لا نعرف لا 20 فبراير و لا 40 حرامي

مُساهمة  سعيد في الإثنين 2 ديسمبر - 12:40

مواطنين مغاربة أحرار و المغربي الحر يجري في عروقه دم المواطنة حب الوطن
من حبي لوطني أني أكتب و أعبر
جيت ناظم الكلام ** مان بركاك و لا شكام
جئت ب هويتي بلا لتام
جيت نبلغ سلام من منبر كلام في كلام
جيت نرحب بالبوادر الطيبة
جيت نقول شكرا لك
ممتاز أيها القائد الممتاز
نقتي الجمعة الله ينقي طريقك من الشوك

يا ما كتبت يا ما ناظلت ياما لا كنهم ساؤو ا الظن و اللي حن يتمحن
المهم أعود للموضوع
إدراج جئت به لمنتداي الحبيب عنونته * ممتاز يا قائد ممتاز *
وضعته بصوت الجمعة و بلالة ميمونة سيت
كانت جمعة لالة ميمونة و أصبحت سبت سبدي ميمون
لالة ميمونة جاها سيدي ميمون

avatar
سعيد
Admin

المساهمات : 370
تاريخ التسجيل : 13/11/2008
العمر : 55
الموقع : www.magdoubkom.yoo7.com

الرجوع الى أعلى الصفحة اذهب الى الأسفل

الجمعة جمعات ’ جمعات و طوات

مُساهمة  سعيد في الأربعاء 12 يونيو - 15:08

الجمعة جمعات ’

الجمعة جمعات جمعات و طوات وطلعات للجبل .

اللي ما عندو راس المال منين يجيه الفضل

اللي على خشب الجب يلعب *   يعكل ’

و اللي بين الحبال يتختل  *  يحصل  ’

نبش كروش جايعة تموت كروش البرامل

رجال في الجمعة ضائعة و القفل المصدي محال يتحل

شواري ذباب و كمشة نحل

و اللي كلاتو المعزة في الوطى حطاتو في الجبل

 

avatar
سعيد
Admin

المساهمات : 370
تاريخ التسجيل : 13/11/2008
العمر : 55
الموقع : www.magdoubkom.yoo7.com

الرجوع الى أعلى الصفحة اذهب الى الأسفل

فرحي يا جمعة لانبة ضوات

مُساهمة  سعيد في الخميس 17 مايو - 22:23

الحمد لله بان الضو ها حنا كنشوفوا البوادر الطيبة بدات من سار على الدرب وصل , واصلوا و تواصلوا الحمد لله بقينا تنشوفوا الإصلاح الرصيف الشارع الرئيسي النزالة الحمد لله داروا ليهاقوادس باش ما تبقاش ديك الكلتة ديال الشتاء أبارك لمن فكر و بادر سيروا في عملكم الله يعاونكم و نتمناوا نشوفوا شي نتنفس بغينا نشوفوا شي ساحة بحال ساحة 9 مارس بمدينة الزمامرة ’ و نتمناوا نشوفي شي دار الثقافة بحال اللي في نفس الساحة , ونتمناوا المسؤولين و الأساتذة و المعلمين و الغيورين يطلب و يتدخلوا لدى الجهات المخنصة لفتح دار الشباب ’ في الرد نتكلم عن ما تعني دار الشباب و دار الثقافة و دار الطالب و دار الطالبة و المتنفسات و المساحات الخظراء
سيري ألالة ميمونة الله يفرج عليك
avatar
سعيد
Admin

المساهمات : 370
تاريخ التسجيل : 13/11/2008
العمر : 55
الموقع : www.magdoubkom.yoo7.com

الرجوع الى أعلى الصفحة اذهب الى الأسفل

أجي تشوفوا لالة ميمونة

مُساهمة  سعيد في الجمعة 28 أكتوبر - 12:55

مرروا الرسالة
إننا مقبلين على الإنتخابات
اللي فات فات و اللي مات مات و ما ينفع غوات
المهم لالة ميمونة في أمس الحاجة لمن يحبها و يغار عنها
الشتاء جات و حيط الدجاج في آنتظار العجاج الفياظان و الأمواج
واش ما كاينش اللي شاف وليداتنا و نسائنا واقفين محاصرين لا من يقطع و أصبح حيط الدجاج في غزلة عن النزالة
واش ما كاينش شي نائب محب و اللي ينوب على هد المغلوبين في أمرهم و يصوب ليهم شي قنطرة على قد الحال
و تلامذنا واش ما عندهمش الحق في دار الشباب ولا المركب الثقافي الوضع في لالة ميمونة خطير و يثير الإستغراب
باقي راني نتسائل واش لالة ميمونة تابعة للمملكة المغربية أو هي نقطة سوداء أو ملغية أو منسية أو ماعندها من ينوب عنها
و المنابر ديالنا نبدى ب دوزيم لالة القناة الثانية و الصحافة و المراسلين و الإذاعة المغربية الأولى واش ما عندهم خبار على لالة ميمونة و لى شي أيادي خفية وراء الستار تستر على لالة المنكوبة
المهم أنادي جريدة الغرباوي باش تشوف من حال الغرب
تصوروا الناس هنا في سجن بدون سياج و السجان براج
كتبت الكثير عن لالة ميمونة و لا من جاب الخبر حتى ناسها و رجالها ما عمرهم فكروا و لو يبحثوا عليها أو يكتبوا ردود باش نعرفوا شكون غايب و شكون حاظر
وا رجال لالة فيقوا من النعاس نوظوا باركة نوم باركة قلت النفس راه من حقنا ندنفعوا على وطنا و من حقنا نحبوا قريتنا و ندافعوا عليها حتى يبان الحق
الكلام كثير و كلام في كلام
كلام في كلام و شلا كلام
المهم راني قريت في جريدة الغرباوي بأنهو شي فاعلين أو غيورين راهم ناويين يوقفوا وقفات آحتجاجية و لا كن ماشفنا غير النعسات و السكتات القلبية
من هنا و اليوم أقول لكل
avatar
سعيد
Admin

المساهمات : 370
تاريخ التسجيل : 13/11/2008
العمر : 55
الموقع : www.magdoubkom.yoo7.com

الرجوع الى أعلى الصفحة اذهب الى الأسفل

منتديات الدشرة صوت الجمعة

مُساهمة  سعيد في السبت 1 أكتوبر - 21:29

دعوة لكل الأباء و الأولياء و كل الطلبة و الأساتذة و المعلمين و كل الفاعلين و كل الغيورين عن القرية المنكوبة
غرتايبها شلا و لا من ساق الخبار أين هي لجنة أو لجان المراق بة و المحاسبة لا من جاب خبر
المهم و اللي هامني هم وليداتنا أجو تشوفوا ولا نقول لوزير التربية و تكوين الأطر أجي تشوف و لا مكتب حقوق الغنسان أجي تشوف و لا حقوق الطفل و جمعية ماتقيش ولادي و كل من فيه النفس ديال المغاربة يجي يشوف قرية منكوبة مسجونة إسمها لالة ميمونة
أجي تشوفوا تلاميذ المدارس مساكن تيضربوا أكثر من 10 كيلوا متر و تايتغداوا بشي خبيز حرفي أو معاه ميهة و الدولة طامعة فيهم يكونوا رجال الغذ و يرضوا ليها الخير ديالها الله ياودي لا نقل مدرسي لامطعم لا حنانة لا عطف و فين يمشوا هد الوليدات اللي جايين من الدار الجديدة و من العنابسة و من أبعد مسافة باش يقراوا جوج حروف علاش هد البلاد اللي جاء يقول ما فيهاش الرجال كل بلاد عندها رجالها و عندها ماليها و أنا اليوم أكتب لرجال الأرض و البلاد نوضوا فيقوا من النعاس را الشفارة داروا فيكم ما بغاوا و لا من جاب الخبر واك واك أعيباد الله وصلوا الخبر لسيدنا الله ينصروا
نقبلوا رجليك موبلاي السلطان الله يطول عمرك و يخلي ليك سيدي الحسن شوف من حال هد القرية و ماليها فقراء بسطاء دراوش و عارهم علامن راه ما عندهم غير آنت سيدي الله يطول عمرك و يخليك لشعبك لاما أجي تشوف فراعين العصر دايرين ما بغاوا في لالة ميمونة الغابة قداوا عليها الذئاب الكلام كثير و مألم واك واك أعيباد الله موتوا على بلادكم و على ولادكم الله ينزل الغربال باش يغربل الدبان من النحل
سألوني عن المنتدى و قالوا المنتدى ديالك فأجبت المنتدى ماشي ديالي راه ديال الدشرة و الإسم ديالوا صوت الجمعة منتدى الدشرة و ما هاماه غير هاد الدشرة و اللي كتاب عليها تعيش الحكرة
المهم أطلب من جميع الفاعلين و الغيورين أن يقفوا وقفة رجل واحد لنطالب بفتح دار الشباب في وجه الشباب و المطعم و النقل المدرسي و المتنفسات لنحصل على شباب مخلص مواطن يقوم بواجباته و يعرف حقوقه
واعطوهم حقهم باش يقوموا بواجباتهم
ولجنة المراقبة وا لجنة المحاسبة وا اللي يهمكم الأمر راه كاين أكثر و أخطر و اللي زاد الطين بلة هو شي خدمة راها هنا للفقراء و قالوا حتى هي شدوها الأغنياء و الله غباء غباء غباء و إن زاد أصبح من فعايل السفهاء
وا البرلمان و ا ك واك واك واك واك واك أعيباد الله عتقوا الروح عتقوا لالة ميمونة و شوفوا من حال ماليها راها ما عارفا لا 20 فبراير و لا 40 حرامي الكلام كثير و الجمعة جمعتنا
avatar
سعيد
Admin

المساهمات : 370
تاريخ التسجيل : 13/11/2008
العمر : 55
الموقع : www.magdoubkom.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى