حبر حر من مطر آقطر

ماشي غريب نشموا ريحة الشواء من بوغريب

اللي آصعيب هو نفكوا الغرايب
المسجد بلا إمام رايب
الزمان سايب آعجب و آعجايب

----- ----- ***** ***** ----- -----

و حلة واش من وحلة
الوقت جفلت جفلة
ماشدينا لا بحر و لا قبلة
هم داروها و نحن آحصلنا فيها حصلة
شراونا في سوق الكسيبة جملة
كلاونا و داروا فينا خبلة
شي فوروه و شي نصبوه
شي شواوه و شي قلاوه في مقلة
و الشي لاخر كددوه و ضربوها بسقلة
بحثوا في قصيدة وحلة و فكاك الوحايل إفك الوحلة
شكرا تقبل مروري
مجذوبكم كلام في كلام
قرميم سعيد


أشكر العزيز قرميم سعيد على تفاعله مع النص ، تفاعل دفعه إلى تمديد مضامينه بمقطوعة زجلية رائعة عرت بعض البنيات الداخلية للنص .

وبدوري سأنطلق مما انتهت عنده زجليتك وأضيف :


شي شواوه و شي قلاوه في مقلة
و الشي لاخر كددوه و ضربوها بسقلة
بحثوا في قصيدة وحلة و فكاك الوحايل إفك الوحلة

شي شربوه الحنطل شي شربوه الدفلة
اللي مات مات وللبقى ضربها بهبلة
هذا كلسوه عالقرعة هذا شبعوا فيه ركيل أ ركلة
بنادم عندهم ولا كيف النملة
كرامتو مشات إطرطقوه بين ظفارهم بحال القملة
هذي حصلة واشمن حصلة
يحوالو عينيه ما يبقى يعرف القبلة
هذا حالنا وحنا ماليه كيف الطفل كيف الطفلة
الدايينها فالزرود معمرين الطبلة



أحييك الأخ سعيد رمضانك أسعد .