نخبي شي كلام

حرور الزمان إعلم
و كون ما الملح ما تكونش البنة
حب الوطن من الإيمان يا مسلم
قلوبنا و أقلامنا فيها روح الغيرة و المواطنة
الإرهاب و الخراب عندنا محرم
لا في الشرع و ألف لا في السنة
هادوك غير شياطين بنادم
بغاوا إخلقوا في هاد العالم الفتنة
كيحلوا و يحرموا غير وحدهم
الله ينزل عليهم اللعنة
ما عرفنا منين كنسهم
و شحال من حبة فديك الرمانة
شكون دخلهم بلادنا بلا ما يعلم
و منين جاتهم الفيزة باش فاتوا الديوانة
نوينا تلميدنا عند فقيه مسلم
لقيناه تشيخ على مافيا هربانة
شكون في الانبياء و الرسل اللي جاء ملغم
و شكون في الرسائل اللي جات حقدانة
بالكلام اللين جاوا كلهم و الأية باينة و مبينة
لوز وريورة يسمم
و علاش باعوا العسل ببزق ذبانة
قبل ما نختم
نمضي بإسم جميع الفنانة
و رجاك أنا
مجذوبكم كلام في كلام بوان كم
قرميم سعيد















الأيام الحلوة مشات—
— و تصرفات في خبر كان
ديك الوردة في يدي دبلات—— فات الفوت وكان اللي كان

ضربتي على غفلة جات—
— و مشيت في حبال الكتان
ظنيت الأيام لي ضحكات
—— لقيت راسي ساكن بلا
عنوان
السفينة بركابها غرقات
——– و بقيت تالف بين
الطرقان
هيهات يا مغرورة هيهات
—— غرك كلام فلانة و
فلان
يا ظالمة لفراقها فرحات—
— و قالت منك قومان
يا حمامة على فراخها هربات
—– شيطانها يا ويلو
شيطان
يا عين على عيبها عمات
—— ما شافت لا خايب و لا
مزيان
يا نكبة بي حلات
——– اللحظة الحزينة دازت هادي
زمان
يا سحابة الشتاء في الصيف علي مطرات –
——————-نزلت علي ضبابة و أنا في الزناقي عريان
يا سوسة في عظامي شخرات —
- كلك عوافي و مشاهب و نيران
يا شمعة في ليلتي طفات
—– شانك عندي ما بقالوا
شان
ظنيتك زينة العيالات
—- و نت تمساح و دموعوا بهتان
قلت صماتا معايا جات
-صمطات راسها و خلاتني حفيان
الميت إلى مات ما يرضوا غوات
— و القفل إلى صدا ما بقى
لوا حلان
خاب ظني كيف خاطري ظنات —
- و لقيت راسي في البار
سكران
شربت إترو و جوج بيرات —
— و تفكرت اللفعة بين الغزلان
نويتها كبيدة علي عطفات
——- و هي تاتة و عندها سبع
لوان

ياسلام على الابداع
وصفاء الوجدان تسلم يافنان على هذا الفن الجنان...
ابنك ..عزالدين.

يا سلام على المتابعة و الإهتمام و الله إنك إبن بار فائز بألف وسام و لك في المنتدى حسن المقام و دمت لنا صديق مخلص أخاك سعيد