حتى يدزاد و نسموه عياد

عاد الميعاد
عاد الميعاد
عاد الميعاد
---------------
[center] جاد و لد الجواد
نفق و عشر في العاشور
الجودة و الكرم في شهر جاد و جاد ولد الجواد عاشور رجب و جاد
----------------------------------------------------------------------


و حتى يدزاد و نسميه عياد و عيد الأعياد


مجمع الأحباب هل و صحاب
أولاد و أحفاد قراب و بعاد و عاد الميعاد و دزاد عياد و عيد الأعياد
و عاد الميعاد
عاد الميعاد
نبدا ب رشيد و سعاد
و ندير ميعاد و نغني أنا عندي ميعاد هادا سري ما عندي حد خايف من الحسد إسمها ما نقولو لحد
هدا سر هدا سر هدا سر
قولوا لي واش نسر حتى نقبر و لا نخبر و نبوح بالسر و ندير ميعاد يدزاد عياد
و أنا عندي ميعاد أنا عندي ميعاد هدا سري ما عرفوا حد خايف من الحساد إسمها ما عرفو حد
راس الخيط ’؟
نعاودها ليكم بحال الخبيرة و نتمناها تكون بحال الحلمة
بخاتم الحكمة تبان النسمة ونعرف أش تم
و راس الخيط ؟ ؟ ؟
خبرتكم على خيط جوهر
و اللويزة ذر نسيمة الحر
{ , الخيط البيض } و { سر مجذوب العصر }
سر من الأسرار بحال حانوت العطار
لوحة فنان بجميع الألوان
ديوان في دكان طاله النسيان
و بان البيان ياك إنسان و أنا إنسان و كلنا إنسان و علاش الإنسان يلوم الإنسان
و عاد الميعاد عاد الميعاد هادا سر ما عرفوا حد
الإمضاء سعيد مجذوب العصر الزجال الجوال من حال إلى حال و حان الحال نحط الآرحال
ندق الآوتاد نجمع الآولاد و نغني دزاد عياد و عاد الميعاد في عيد الأعياد

كلام الحلقة كله معاني
قرأت ما كتبته مرات ومرات
وسأعيد قراءته أكيد باذن الله
جزاك الله خيرا
الحلقة فن عظيم مايفهموا من والا

بركزة مركّزة شيخ لحلاقي
رونق حلقة بنسا و رْجال
وجمع جوقة بكلام مْلاقي
طالب ضيف الله لولاد لحلال
بظْرافْةْ كلامو شدّْ بطْواقي
وقالِّي حْضي جيبك ورد البال
واصْغا ليا واعْذر حْماقي
ولاتْلوم حالي ولا تقيّد مْقال
ف الحلقة درْت سْباب رْزاقي
وْمُولا وْليدات كُلّهم غْيال
خوذ مني الصح ولوح الباقي
والعاطي الله ومنُّو لكمال
وعرق ونشف وسد رْماقي
بفراجا رايقة وبامفرّْج غْزال
قرقبت سوارت الربح من عْماقي
وفتحت الباب وقلت ليه تسفال
ودار لي فاتحة وقال يا راقي
الله يحفظك ويرْعى لعيال
كلام معقوووووووووول
ماقدرش أقوووووووول
حاجة عنو


السلام عليكم كلكم إخواني و أخواتي مطريين و مطرييات زوار و مشرفين أعضاء و محبين
تابعت ردود قرائي الكرام و أخص بالذكر الوفي العزيز عبد الغني الراقي و الأخت الفاظلة سناء بنت الحاج و كل من إبراهيم داودي أحميدة بلبالي بنعيسى الحاجي حسن بواريق عادل غيواني محمد فجار يوسف الولماسي و كل ناسي و أحبائي و قرائي و كل المطريين في كل الأقطار
أشكر كل القراء كل القراء و كل الكتاب
و خير جليس كتاب
أخبركم بأني في قرية صغيرة فقيرة مهملة يتيمة و كل الأحيان كما نقول أحيانا كيطفى الضو على غفلة و كنكون في ديك الوقت كنكتب فشي إدراج أو شي رد حتى كينقطع الضو و كايمشي كلشي و كنطيح في جوج
و صدق من قال راه كاينة ظروف و راه كاينة ظروف
مشى كلشي ما كتبت شي عقلت عليه و شي العالم بيه الله و الوقت ديالي سلا و الفلوس باش نزيد الوقت و نعاود نكتب والوا و الله غالب أالطالب
وا حد النهار تفرجت في واحد الإلشهار كانو كيديروه إتصالات المغرب ديال هداك راه الأنترنيت
و في داك الوقت كنت كنكتب و بان لي الإشهار ناقص و خليت الموضوع ديالي و مشيت مع الأنترنيت و كتبت إشهار ديالي و هدي هي الكلمات اللي فيه
هداك راه الأنترنيت ضروري في كل بيت لي و ليك و الشبيك اللبيك غير بكليك و ها العالم بين يديك أنه ضروري إلزامي من الضروريات كلاماء و الكهرباء في الدار الماء و الكهرباء و الهاتف و الأنترنيت إجباري لكل بيت