منقول من مشاركات البوهالي و أصدقائه و أريده درس لمنتدياتي منتديات قرميم سعيد

الحوض حوض و يبقى حوض بغاوا و لا كرهوا الأحواض من الجنة
و علاش داك الحف بالخف قال الحوض جف واش هرف و لا بالخف آحذف و تهنة
لا زربة علا صلاح و البراح في المراح واقف يطلب اللطف
الحوض حوضنى و الغنى كلام و معنى
حوض المعنى *** يتبع
---------------------------------------------------
حوض المعنى سر المغنى كلام و معنى
قدم واسط و ختم
نوصيك وقت الشدة آبتاسم
دي الفايدة و منها تعلم
تعايش مع الوحدة و تأقلم
خود ليك سيستيم زيادة و لا ترفد هم
نوي آعزم و فهم أش تم
و نوض تكلم لا تحشم
و باش نزيد نعرفك معلم
دير ما دار الدرهم
عشيرك خوك و خوك خوك لا يغرك صاحبك
و صاحبك لا يغرك فيه طمع
دير خوك عشير و ساوي طام طام و سنتير
و غني سنتيري زين و نغاموا على الحصير
و كيفاش نكون واش ندير
نويت الخير و عشت شرير
أملت و طمحت غني و عشت فقير
طلبت القمح و آعطاوي الشعير
طلبت موكيط فرشوا لي الحصير و قالوا التغيير
خبز الشعير + ماء الغدير
فراش الحصير و ركوب الحمير واش نقوا و أش ندير و سنتيري زين و نغاموا على الحصير
كتبها مجذوبكم الزجال الجوال قرميم سعيد تقبل مروري

-------------------------------------------------------
مشكور اخي سعيد على الكلمات الرائعة

الحوض لي جف واش كاين من شافو

واش كاين من لمس ماه وتئكد من كونو بين لشجار

سولت عليه شلا تسوال كلها جاب جوابو

المعنى ماشي للعب المعنى للفاهم ليفهم

عمر الحوض بالخداع صبح فارغ من ماه

ناس بالنية تبعاتو لأخر مجراه

صابتو اسم بلا مولاه

فين المعنة وفين النغمة يخلف الله على من تاق

يا الضارب المعنى بالمعنى لاتضربها على الضلم

بحث فالمعقول وسول اش تم


كلامي مرصود بالحق مانشريه ونعمرو تزواق

تحيات بوح الغيوان
----------------------------------------------------------------
شكرا لك أختي بوح الغيوان على كلماتك الجيدة و الصادقة و أفكارك المسبقة و دوام الحال من المحال و حوض المعنى تا يقولك قولو لو الى ما بغات تفهم دابا ليام توريلو اش تم
و راه لغدر حرام يا حباب الغيوان
هاذيك سحابة صيف عابرة عابرة و سوف تزول
أنا معذب صلبر وانا مهجور بين حبابي نكابر
أنا لي قلتي عمرت الحوض بلخداع
راه المعنى ما تموت و عندنا الذراع
باش نرجعو حوض المعنى للابداع
و غير خليو لي ما بغى يفهم لا تقولو لو
دابا ليام توريلو اش تم
الفاهم يفهم اش تم
و ما ف الهم غير اللي يفهم
أنا هنا
و انت تم
زمان الحكرة و الحكارة
و الأفكار المسبقة
و اللي ماجابتو محبة ما تجيبو حزارة
الكرامة هي الانسان
غير سيري أو كان
ما بقات ثقة ما بقى أمان
قالو الغيوان
لي كال العصيدة باردة يدير يدو فيها
ناديناكم تفهمونا
هادا حالنا
المغاربة و العرب
أفكار مسبقة
هاكدا ديما حالنا
العكر فوق الخنونة
ناس بكري ناس النية و الغفلة
و ناس اليوم حر من الدفلة
نار الظلم شعلتي شعلة
هاذ القوم دارو فينا خبلة
شرارنا شراونا و باعونا في سوق المنتتدى
هاداكشي كان كلام بيناتنا
حتى ولى كولشي عارف لي بيناتنا
عمرني ما ريت الفيل هارب من نملة
و السرتي ارجع عجلة
عندكم العسل بلا نحلة
و الكذاب تنزل عليه اللعنة
و يا فكاك لوحايل شوف من حالنا
و شوف معامن راحنا
مع قوم كذبونا
و راها ليام دوارة
و ترجع أيامنا نوارة
و هذا وعد
و غادي يكون سعد
و الله شاهد على كلامي
اللي من روحي و من أعماق قلبي
واش موكة بحال الطير الحر
شكون البايع و فين الشاري
و سير لا تعفر
راه البشر طوب و حجر
راه شي حلو و شي مر
ولي كال الحوض جف
و ما بقات فيه معنى
نكولوليك الى كنت نتا دمار
حنا غادي نكونو اعصار
و دابا تجي ليام و توريلكم
شكون لي كان على صواب
و شكون لي كان على خطأ
و حنا بشر مامعصومينش من الخطأ و الغلط
يا الطامع ف الدنيا لا تكون مغرور
و ما عندنا ما نديرو غير الصبر
و كيما قال مجذوب العصر
أستاذي و صديقي و أخي العزيز و الغالي
سعيد قرميم أقدم لك تحياتي الكبيرة و العميقة عبر هذا الرد
هاكذا القدر قضى و قدر

كلامي كلام السامعين
نوجهو لحبابي الغيوانيين
سامحو ليا الى كنت حمل ثقيل في هاذ المنتدى العزيز و الغالي
ما ساخي بيكم و الولف صعيب
و لكن هذي هي الدنيا و ما يدوم حال
مضطر لمغادرة أهلي و أصدقائي و اخواني و بيتي
منتدى ناس الغيوان الغالي
تحية كبيرة وخالصة من كل أعماق قلبي
الى كل رواد و أعضاء و مشرفي المنتدى
تحية خاصة الى
هشام الغيواني و صلاح الغيواني و عادل الغيواني
و تحية غيوانية و المسامحة أختي لبنى بوح الغيوان
و اخر الكلام
السلام عليكم
و مع السلامة
الوداع الوداع ياحباب الغيوان
يا منتدى الغيوان
الى اللقاء وتقبلو تحياتي و تقديري الكبير لكم جميعا يا أعضاء المنتدى بدون استثناء

شكرا

تحيات كريم الغيواني

-----------------------------------------

شكون ف الدنيا عل الحق يدافع ياك الكثير ما فيهم نفع مطعونين ف الظهر و ما ضحينا ب لعمر ياك اخرها هم لقبر بنادم ف الزنقة دالح ما مرتاح الخوف و لقهر عليه قاضي ف لعماق الفوضى و من الفوق يبان لبحر هادي الحق و الباطل هنا الشاهد يزور لعمى و الحاكم ما يذوق المعنى يا بنادم دار الصابون ماشي جفنة الطعام الى سخون رد اللقمة يكفانا اللي حنا فيه يكفى الجوع و ما قاسينا كل شي ديالنا و حنى مواليه