حلم راودني ونزد في لحلم

واه عذروني يا حبابي
آعيت آحزان و آنكاد
واه لا تعايروني يا آحبابي
ما بقيت على آصبركاد
زعفت ساعفوني يا آحبابي
شفت الحوت صياد
نقلة الحلال تحيى شامخة ما نخطى صوابي
شيم الأسياد
تغميت و الغمة مكتابي
أجي نتعاونوا آجواد
تسنيت آسنين و درت آسبابي
و مزود زادي بلا زاد زاد
نكتف و نألف كتوب من مكتابي
رغم أنف الأوغاد
- *- - *-* -* -* -* -* -
البير فاض ماه
يا سيادي
و الأرض راوية زاهرة مخضرة خضرة
و يا سبحان الله مول القدرة
قلوب حرير ناعة جوهرة
و قلوب قزدير مصدية مقزدرة
طريقنا محفرة ما بين حفرة و حفرة كاينة حفرة
و يا سبحان الله مول القدرة
جبل ووطى كلشي بيع و شراء
من راس الشعبة لجنب الواد العتلة و المدرة
و يا سبحان الله مول القدرة
الشعير تليس ’ و القمح الصافي حفنة في عبرة
ما ضينا ما نسيناه و حاضرنا اللي عطى الله عرفناه و مستقبلنا يا حسرة
و يا سبحان الله مول القدرة
كلام رباعي مربع بالذر مرصع لونو ناصع الجذبة و الحضرة *** و القافلة غادية بلا هضرة و يا سبحان الله مول القدرة *******

جيت نقفي تقفيت
القوافي عوافي
جيت نطفي تكويت
الحرف اللي في حافي يشافي
طفيت تشافيت
كتبت و آتفاجيت و بوان نيت
*-*-* -*-*- *-* الأنتيرنيت الخبز و الزيت