أنا و أنت نحن فين

الأخ الكريم قرميم سعيد

أبهجني مرورك وتفاعلك مع النص

والله يزيدنا ويزيدك من فضلو

تحيتي ومودتي الصادقة

أنا و أنت فين
لغروبنا مشرقين
و على شروقنا مغربين
حاصلين في ورطة ما منها هروب
و موري سوايعنا مقلوب
و يتوب يتوب يا خليفة المجذوب
الموت تابعانا في جلايلنا ماسكا
و القدر مقدر و مكتوب
و يتوب يتوب
قال المجذوب الدنية بالمقلوب
كذبت إصدقوك صادقتيهم إقولوا كذوب
و قال المجذوب
شافوا الوسخ في الثوب و أنا حاسبوا في القلوب
ياك تيد و أريال و أومو ما يغسلوا ذنوب
واش المعنة كاينة في الثوب
شألوا أهل القلوب
و قال المجذوب الدنية بالمقلوب
و زيد آكثم ليعة القلب المعطوب
زدنا من غناك و مغناك يا عبد الغني و تقبل مروري مجذوبكم سعيد

نايضين طايحين والوقت مزروب
وللي تعطل دقيقة
ما يلقا مركوب
ماشي لخاطرنا هجينا
ولا غير نضنا ودوينا
را حنا فسفينة الله
الله يا ربي الله
واش بيدينا

أبدعت فأمتعتني أستاذ عبد الغني وجاءت هذه الكلمات من وحي المتعة والإبداع

أنا وانت فين ؟
أنا وانْتَ ف شْباك متْشابْكــا
حاصْلين ف ورطة ما منها هْروب
صابْغين الضّيّْ بدْياجي حالْكــا
مغرّْبين شْروقْنا ومْشرّْقين لغْـروب
و بْتفَّاشْنا لاوْيِـين سْوايْع مْبـاركا
والـمُوري مْشقلب دايْخ ومكٌْلوب
ف دنيا هايْلة وفاعْلة تارْكـــا
نايْضين طايْحين والـوقت مزروب
و الموت تابْعة بْجْلايْلنا ماسْكــا
وبكثرة التّْخمام لعقل مسلــوب
وطْبايْع الـهَلُوع بينا فاتْكـــا
و الـهَلَع من خْيال الصبر مرهوب
وشْعاب الجَزُوع ف عْروقنا سالْكا
و اليأس طاوينا طيّْةْ الثُّـــوب
والـمَنُوع بْالرّْخا حْوَالُو شانْكـا
نافـي السّْبة وظالْم الـمكتـوب
مْفاتْن الدنيا و عْراضْها حاسْكـا
ما خْطات مومن والمومن مصْيوب
مصيوب و خازْن مْدامْع لبْكــا
وكاتْم ليعْةْ القلب المعطـــوب
ومْلازْم الحمد بْحْروف متْماسْكـا
وْمَارامي هدرة تْلوّْث لعشــوب
وحرْقْة لحروف ف صدرو حاكَّـا
و ما عْلم بْحالو غير عالْم لغيـوب
و حْروف التّنْـزيل ف قلبو بارْكا
و بْذِكْر الله مْفاجي لكــروب
واستغفرْت الله من هاذْ لـمْشارْكا
ومن لـمْعارْضة الله يعْفُو ويْتُـوب