الرسالة الرابعة بإسم الله الموعين نوصل كلامي للسامعين

بإسم الله الموعين نوصل كلامي للسامعين

اللفعة يرهب التنين

و منا يخاف من الشريط غير اللي بالحنش ملسوع

كلامي كلام الناصحين

و المبدوع ماشي مصنوع

اللي راد يقضي غرضوا في الحين
يحني الراس و يطلق اليدين و يكون تابع ما يكونش متبوع
كلمة واخ فيها حرفين
و اللي قلب على الرخا و الرباخة بات بالجوع
طعام البور إفور و في أكلتو بنين
و شهد الرعى في المرعى قالوا مقطوع
زمانا زمان شين
و كلشي فيه مخدوع
كثروا فيه الشياطين
القلب قاصح الراس عاصي و الكرش بلا ضلوع
في الخفى تلقاهم مساويين
الخواض و الراس مرفوع
شوفوا العيراق و فلسطين
و ما دارفيهم صعصوع
بوش شارون موسكوا و بوتين و فراعين خراين في عصر التفرعين داروا دروع
العراب و التراب مدللين
و السوق فيد قنزوع
السومة تشيب و تشين
راس قرع القروع
قنبولة تساوي برميل بنزين
باش إعيش العربي مقموع
طرف من العناية إعيش و يزيد في السنين
و لا جات الحضرة نطيح مسروع
كلامي خصوا تلحين
و الميزان بسنتير و طامطام و دعدوع
فكروني في ناسي الغيوانين
بوجميع و باطما في النوع
دوك اللي حسبوا عشرتين
و لقاوا المجموع
وراونا فاش و كيفاش نحن عايشين
و قالوا الدنية صايكها جربوع
الحر لا يملك و لا ملكتيه سجين جزين
و القلب منهنه مصدوع
ياك كاع مخلوقين من طين
و كلنا بالموت متبوع
لا شعوب و لا شلاطين
لا رادع و لا مردوع
و العرب واه ياوين
الأصل تتبعه الفروع
مجذوبكم.كلام في كلام.كم
قرميم سعيد و الصوت اللا مسموع

شكرا لك أختي بوح الغيوان على كلماتك الجيدة و الصادقة و أفكارك المسبقة و دوام الحال من المحال و حوض المعنى تا يقولك قولو لو الى ما بغات تفهم دابا ليام توريلو اش تم
و راه لغدر حرام يا حباب الغيوان
هاذيك سحابة صيف عابرة عابرة و سوف تزول
أنا معذب صلبر وانا مهجور بين حبابي نكابر
أنا لي قلتي عمرت الحوض بلخداع
راه المعنى ما تموت و عندنا الذراع
باش نرجعو حوض المعنى للابداع
و غير خليو لي ما بغى يفهم لا تقولو لو
دابا ليام توريلو اش تم
الفاهم يفهم اش تم
و ما ف الهم غير اللي يفهم
أنا هنا
و انت تم
زمان الحكرة و الحكارة
و الأفكار المسبقة
و اللي ماجابتو محبة ما تجيبو حزارة
الكرامة هي الانسان
غير سيري أو كان
ما بقات ثقة ما بقى أمان
قالو الغيوان
لي كال العصيدة باردة يدير يدو فيها
ناديناكم تفهمونا
هادا حالنا
المغاربة و العرب
أفكار مسبقة
هاكدا ديما حالنا
العكر فوق الخنونة
ناس بكري ناس النية و الغفلة
و ناس اليوم حر من الدفلة
نار الظلم شعلتي شعلة
هاذ القوم دارو فينا خبلة
شرارنا شراونا و باعونا في سوق المنتتدى
هاداكشي كان كلام بيناتنا
حتى ولى كولشي عارف لي بيناتنا
عمرني ما ريت الفيل هارب من نملة
و السرتي ارجع عجلة
عندكم العسل بلا نحلة
و الكذاب تنزل عليه اللعنة
و يا فكاك لوحايل شوف من حالنا
و شوف معامن راحنا
مع قوم كذبونا
و راها ليام دوارة
و ترجع أيامنا نوارة
و هذا وعد
و غادي يكون سعد
و الله شاهد على كلامي
اللي من روحي و من أعماق قلبي
واش موكة بحال الطير الحر
شكون البايع و فين الشاري
و سير لا تعفر
راه البشر طوب و حجر
راه شي حلو و شي مر
ولي كال الحوض جف
و ما بقات فيه معنى
نكولوليك الى كنت نتا دمار
حنا غادي نكونو اعصار
و دابا تجي ليام و توريلكم
شكون لي كان على صواب
و شكون لي كان على خطأ
و حنا بشر مامعصومينش من الخطأ و الغلط
يا الطامع ف الدنيا لا تكون مغرور
و ما عندنا ما نديرو غير الصبر
و كيما قال مجذوب العصر
أستاذي و صديقي و أخي العزيز و الغالي
سعيد قرميم أقدم لك تحياتي الكبيرة و العميقة عبر هذا الرد
هاكذا القدر قضى و قدر

كلامي كلام السامعين
نوجهو لحبابي الغيوانيين
سامحو ليا الى كنت حمل ثقيل في هاذ المنتدى العزيز و الغالي
ما ساخي بيكم و الولف صعيب
و لكن هذي هي الدنيا و ما يدوم حال
مضطر لمغادرة أهلي و أصدقائي و اخواني و بيتي
منتدى ناس الغيوان الغالي
تحية كبيرة وخالصة من كل أعماق قلبي
الى كل رواد و أعضاء و مشرفي المنتدى
تحية خاصة الى
هشام الغيواني و صلاح الغيواني و عادل الغيواني
و تحية غيوانية و المسامحة أختي لبنى بوح الغيوان
و اخر الكلام
السلام عليكم
و مع السلامة
الوداع الوداع ياحباب الغيوان
يا منتدى الغيوان
الى اللقاء وتقبلو تحياتي و تقديري الكبير لكم جميعا يا أعضاء المنتدى بدون استثناء

شكرا

تحيات كريم الغيواني

شكون ف الدنيا عل الحق يدافع ياك الكثير ما فيهم نفع مطعونين ف الظهر و ما ضحينا ب لعمر ياك اخرها هم لقبر بنادم ف الزنقة دالح ما مرتاح الخوف و لقهر عليه قاضي ف لعماق الفوضى و من الفوق يبان لبحر هادي الحق و الباطل هنا الشاهد يزور لعمى و الحاكم ما يذوق المعنى يا بنادم دار الصابون ماشي جفنة الطعام الى سخون رد اللقمة يكفانا اللي حنا فيه يكفى الجوع و ما قاسينا كل شي ديالنا و حنى مواليه

karim batma غير متواجد حالياً