مسرحية مجنون أنا أحب وطني

1مجنون أنا أحب وطني مسرحية فردية زجلية تندد بالإرهاب و التطرف و تدعوا الأقلام النبيلة للسلم و السلام تأليف إخراج و تشخيص الزجال قرميم سعيد
المشهد الاول

من وراء ستار و يا اللي تجمعوا عليك ضيوف الحفلة و جنود القشلة و كنوس شلا واه يا الطبلة يا اللي دوروك و ربعوكو ثلثوك قولي لي الله يخليك شحال هم رجليك و شكون ذوك دايرين بيك واه يا الطبلة كتاباتي و ستيلو واتي ما قداوا لي هد المسرحية ما ألفتها بلعاني ونا هاني جيت ونا هاني جيت جبت ديواني غيواني كتاباتي و ستيلوواتي ما قداوا لي هد الزجلية ما نظمتها بلعاني **ويا ندامتي و يا ندامتي ومال ديواني حزين ما لقى اللي يتبناه . مال ديواني باكي وحدو مال ديواني هدا وعدو اليوم نعرضو واه يا الطبلة
ميمونة وا للا ميمونة—
أش قلت أسيدي ميمون
نوضي سخني لي ميهة للوضوءو دفي ديك لحريرة وفيقي شعيب من النعاس
الميهة سخونة الحريرة دافية و شعيب خليه ناعس
يابتي فيقيه
يا ودي خليه ناعس
أللا قلت ليك فيقيه
أسيدي قلت ليك خليه ناعس
إوى اللا خليتو ليك راه ناعس لا ما خممتي ليه خليه ناعس خمريه خمريه خمريه هاني خارج
لا لا لا لا شحال قدو يبقى ناعس وزايدون أش قدينا بالنعاس و الكلاس و تهراس الراس النوض النوضو يفيق. شعيب وا شعيب نوض نوض فيق الناس فاقت
بكري نوض فيق واخ راك معطل نوض فيق هاني خارجة نوصل الوصلة ديال الخبز للفران نوض فيق
أه اه أه على نعسى فقت معطل بالحق باقي نلحق و نوصل ياو نتوما فقتوا و لا مازال**
واش نفيقوا مازال الحال مازال الحال ولا فات الحال علينا كان علينا نفيقوا هدي شحال هدي شحال و حنا عاد بدينا عاد بدينا و الله لا سلينا
ويا باز راني صكعت قملة ورخيت قملا واش من قملةولا جاتنا أنفلونزا القمل ويا مي و الإيبولا خنزات الوقت. اليوم نسدوا بابنا بالقفل و نغسلوا روسنا بصابون المنجل المرض أميمتي معدي يقتل و وليدنا مغفل و ما عندو عقل ويامي خنزرات الوقت و المرض آعطات ريحتو يا بقرة و الدجاجة حزينة و يا بشر ما نتوما بقر يا بشر راهم اللي بقر توروهم مجنون و بقرهم مريوح يا بشر راهوما بقر و ما نتوما بقر يا بشركون بشر و غير بلاش زيادة في الهضرة
د العالم من قديم خصاه نغزة
نغزنا و تنغزنا و المناغز اللي نغزونا عودهم حنا اللي نجرناه هد بمنغازو ينغز و هدا ما يرض عليه وانغز النغازة نغزوا نغزة ضربوا الهمزة و بوعزة قال لكنزة طارت معزة و اللي دا شي داه بو عميرة عماه الخطيف و بورزة كرام الضيف زلق و جاء على عين قفاه دجوك المجاعيف لعبوا لاما ليف و التاء تاه تاه
الدرعي صيداتوا زلمزة و الصنور ساكت على خنزة و دوك الحرازة حرزوا حوتهم و صيدوا حوتنا و قالوا بالأورو شريناه حكينا كامونا و البزار في المهراز دقيناه قال المجذوب رحمه الله دير الخير في الرجال و ترجاه و لا درتيه في الشمايت نساه راه من جاور صابون نقاه و من جاور برمة تتطلى بحمومها من صاحب الأصحاب مشى في طريقهم و من صاحب الكلاب الجهل بلاه من عاشر الجواد جاد بجوده و من عاشر لأرذال خاب ظناه سيد الرجال هو خادمهم و الدليل لا من بغاه سر الكلام هو حديثهم الحوت الحر هو فريستهم و السردين قالوا مليناه المنشار قطع صباع النجار و المطرقة طرقات المسمار و قالت في الأخبار راه راه و الغوث وراه و كون عرفنا العالم من قديم خصاه نغزة كون شحال هدي نغزناه*
ها أنا و كعادتي منفرد بطاولتي دعوت نفسي لمكان هادئ أمامي بن و ماء شيت و كبريت دفتر و قلم وضعت يدي على خدي أبحرت سفينتي تذكرت الماضي المر أمواج البحر جعلتني أكتب الكتابة شفائي و دوائي الحبر عسل حر و بحر تبر لؤلؤ مرجان و عنبر القلب المكدر يكتب سطر هداك دواه الشافي
إبن أسفي خزفي صانع و زواق من أراد أوصافي ها العبار وافي من الأوراق نبني رواق عملاق و الباقي حلاقي في الزناقي بلا نفاق بدمع الأقلام دعوت الأوراق و شربت كأس العلقم على ود الفراق لا للتعب اشتكيت و لا للإرهاق شكواي للمستور راها في الأعماق سنبلتي ذبلت و سري باق في ألواق اسقي الأوراق تكنى بالقاف و القاف وقاف و نتسمى بالسين و السين سواق و المساق أوراق و تلقب بالفاء و الفاء فيافة و هاهي اليوم واقفة وقفة
نقطة نرجع للسطر ؛فاصلة نفسر ونستفسر انتباه بالخطر تخبر؟ استفهام علامة تحير الحبر بحر و سأل يا من لايدري زكاغ من البوري اسأل الريس والخليفة الموس و البحري على الصخروالجغل و المشكادري من لا يدري الزروالي لا يدري أحوالي و من لا يدري المرحوم شكري لا يدري سفري و لا شعري و لا ابن أسفي سأل البحرية على الفرق بين صول و ساندية سأل البحري الملاح على لانكوص لومار موصطيل و أولاح و سأل الفلاح على لوز و موز نكاص و تفاح و نغم الطير الحر الصداح و ما له النفس ترتاح و هي تسبح لرب الفجر و الصباح و سأل أرواح متحف باردو أرواح جامعة غارسيا أرواح مقهى أركانة و كاسا دي سبانا و فندق فرح و سأل يا من لا يدري سفري علمتني أمي رحمها الله أن الحياة ستعلمني و الدهر معلمي علمتني الحياة أنها مأسات و مسرات تخرجت من الجامعة الشعبية كلية الحياة و نلت الحظ الأوفر للحلقة و الجولة السفر و السفر الفضل في ذالك استفدت من فوائد السفر الخمس1 = فرجت همي 2 = كسبت عيشي 3 = تعلمت 4 = تأذبت5 =و صاحبت ماجد
علمني معلمي عفة النفس و الضمير لا عفة الخباء تعلمت أن الخلق هو تلك الدمعة أللتي تترقرق في عين الرحيم كلما وقع نظره على مشهد من مشاهد البؤس و الحرمان الخلق هو تلك الشرارة أللتي تنبعث من عين الغيور كلما امتدت يد من أيادي الغدر للمس بدينه و عقيدته و مقدساته بوطنه و مواطنته بشرفه و كرامته الضغط يولد الانفجار الانفجار هو انفجار روحي يحيي العقول لا يميت الارواح
كانت الأخلاق بخير حتى خدلها الظمير --- *** --- *** ---